حوار مع المدعو الريس

حوار مع المدعو الريس
يا ظالم من غير ما تقول انا عارف مين المسئول ...هى قضيه شعب عظيم اتكبل من غير قيود واتحمل الظلم عقود لا مره فى يوم اتالم ولا مره كان له صوت ....وبعد مضى سنين يا ريس احنا الأسفين... من غير ما نشاور قمنا وحررنا استعباد سنين.. يا مبارك من غير تجريح انا أسف دا الشعب جريح ..
قلت لى اقتل كام مليون انا اسف ابنيلى سجون.. مش عارف اسكنهم فين فيلاتك فى شرم دورين ...وانا حاطط كل المسجاين فى قيودهم تحت العمارات وتنهد ويقولوا فساد وانفاقنا ما هى استعباد ....انا اسف من تانى ياريس انا فاكر هفضل سجان ومش هبقى فى يوم سجين واتارى الدنيا دى ساقيه وانا وانت هيجيلنا يومين ...انا اسف يا سياده الريس دا شعبك مش لاقى اللقمه وشباب الجيل متحطم قال ايه مش عارف يسكن .... يا سجان ارجوك اسمعنى انا لسه برده مكانى الريس انا ممكن ادافع عن نفسى واللا هتقول كبرت وبهيس ......
لا لا لا ازاى يا ريس دا كلامك لو عك كويس دا انت وماما معزه واحده حتى اسأل شعبك يا ريس...
اسمعنى يا بنى يا سجان من الاول انا قلت بلاش تتناسلم وتجيبوا عيال وتزيدوا وخلاص حتى اسأل الواد جمال .... فيها ايه لوكل زوجين جابوا واحد واللا اتنين فيها ايه لو قالت ماما سوزان ما بلاش ختان هتموتوا لو قلتوا امين ...فيها لو قالت سوسو جارتنا عاوزين الغاز دالوقتى اشمعنا الإثار حرام ...افقركم وابقى انا اغناكم عشان اشرفكم وارعاكم ....اجوعكم عشان ما تناموا لا تقولوا سياسه ولا غاز ...بقى يعنى حبى ليكم وشباب الثوره الوحشين خدعونى وقالوا عليا كلام قال ايه عميل وخسيس ومرخص المصرى بكل المقاييس مش عاوز اتكلم تانى ظلموتونى وبقيتوا الجانى .....انا عارف عمرت الصحرا وبنيت فيلات وقصور وبفكر ابنيلكم لسه قال ايه تقولولى غور ....يا شعبى الصبر شويه مش فوق التلاتين دا بردوا شويه ....حرام تسيبونى حرام انا منقذكم من سوسو كمان فاكرين واللا افكركم يوميها ركبت الطياره ونسيت تحت الزماره ويدوب رجعت اجيبها ورديت فى ثوانى ساعتها قالولى مبروك يا جمال عبرنا وانت الطيار وبقيت طيار مشهور وصاحب ضربه عبور وتحيه من عمو سادات وشكر من غير اسباب ويدوب بعدها بشويه من نومى بقيت الريس ... يا شعبى سيبنى شويه انا لسه مشبعتش لم وفلوسى مش زى الليبى ولا بيعت وقتلت ولادى ...انا والله يا ناس مظلوم ..طيب فين روح قلبى سوزان ما سبتنى ابداً انام كانت ديماً بتصحينى و تقولى يا ريس شعبك سكران اقول يا حاجه نامى اصل السكر فى شرعى حلال لو يسكروا اكيد هيموتوا ونخفف من الضغط شويه ويا ستى عاوز من بكره ابقى فى شعب اميريكى الهيئه بناطيل من فوق الركبه وشباب اشباه الخنسه وبنات على كل رصيف ومعاكسه مع كف ظريف وسجون نمليها وخلاص والسنه دى الارهاب بتقول اللبس حرام البنت ما تلبس إلا الحجاب طيب اطوعهم وفين المدنيه واللا اسيبهم والدور هيلف عليا .. يا سجان صدعت دماغك وكالعاده نايم بتشخر وسايبنى اهبل واهيس قال ايه مبقتش الريس

اشكرك يا هيما على موضوعك الرهيب

لكن دلوقتي المظاهرات هايفه؟؟؟؟

المظاهرات مش هايفه دالوقتى
او فى الوقت الراهن لكن قبل كده كانت هايفه طبعا

لكن دالوقتى لابد من المظاهرات من أجل مصلحه البلد العامه واظهار ما خلف الستار


يا بنى المشير صوره من مبارك ما لم يكن الاصل

انا لولا ظروف امتحاناتى وظروف البيت اللى بيمنعونى بشده كنت اول واحد خرجت


انا النهارده كنت مع واحد راح التحرير
وهو بيحلف ان الحقيقه كلها مستخبيه
و الاعلان بيعرض لينا حاجات غير الواقع بالمره

بيقولى المشير مطبخها مع الشرطه وللمره التالته بيوقع الحكومه فى تصادم مع الشعب


بجد ربنا يستر على البلد دى وتخرج من الازمه دى على خير

ربنا يستر

امين يارب

بس على فكره البلد دي نهايتها خير انشاء الله

لان ربنا قال"ادخلوا مصر انشاء الله امنين"

ربنا يجعلها في العاجل القريب

يا رب اللهم آمين

انا بجد متفائل
بس بقول ربنا يستر

برنس من يومك يا هيما

تسلم يا غالى


فينك المنتدى مفتقدك من كام يوم

هههههههههههههههههههههههه


منور يا كبير


شكرا على مرورك الطيب

شويه ظروف بس انا مش لاقى اى تفاعل فى المنتدى عشان كده غيبت شويا

ولقيت ان وجودى زى عدمه ميفرقش

ايه الموضوع الجرئ ده

تسلم يا هيما

ويارب مصر تبقى بخير

وربنا يستــــــــــــــــــــــــر